Концерт „Спомени од минатиот век“. Вечер на класична музика во Охрид

Љубителите на класичната музика ќе имаат можност да уживаат во концертот „Спомени од минатиот век“, во изведба на камерното дуо Михаил Јагуриноски и Искра Атанасов – Митуш, студенти во класата на проф. д-р Нина Костова.

Концертот ќе се одржи на 4 јули 2026 година (сабота), со почеток во 20:00 часот, во ОМУ „Методи Патче“ – Охрид.

На програмата ќе бидат изведени дела од истакнатите композитори Сергеј Рахмањинов и Џорџ Гершвин, чии композиции претставуваат значаен дел од светското музичко наследство.

Ги покануваме сите љубители на класичната музика да присуствуваат на ова музичко доживување и да уживаат во вечер исполнета со уметност, емоција и врвни изведби.

Влезот е слободен.