Австриска вечер на „Охридско лето“! Концерт на Trio Van Beethoven

Во рамките на музичката програма на фестивалот „Охридско лето“, публиката ќе има можност да ужива во Австриска вечер, на која ќе настапи реномираниот ансамбл TrioVanBeethoven од Австрија.

Концертот е дел од богатата меѓународна програма на 66. издание на фестивалот и претставува уште една можност љубителите на класичната музика да проследат врвни уметници на една од најпрестижните културни манифестации во земјата.

Концертот ќе се одржи на 24 јули 2026 година (петок), со почеток во 21:00 часот, во црквата „Св. Софија“ – препознатлив концертен простор со исклучителна акустика, кој со децении е домаќин на најзначајните музички настани во рамките на фестивалот.

📅 Датум: 24 јули 2026 (петок)

🕘 Време: 21:00 часот

📍 Локација: Црква „Св. Софија“, Охрид