„Забава со кловните КИКИ и ЗОКИ“

Во рамки на проектот „Културата расте со децата“, Општина Охрид ги поканува сите деца и нивните родители на веселата интерактивна програма „Забава со кловните КИКИ и ЗОКИ“.

Настанот ќе се одржи на 29 јуни 2026 година (понеделник), со почеток во 19:00 часот, на плоштад „Вангел Наумоски“ (Мини Маркет).

Посетителите ќе имаат можност да уживаат во вечер исполнета со смеа, игра, забава и многу изненадувања. Кловните КИКИ и ЗОКИ ќе приредат интерактивна програма која ќе ги вклучи најмладите во различни забавни активности и ќе создаде незаборавни моменти за целото семејство.

Влезот е бесплатен.

Ги покануваме сите љубители на детската забава да ни се придружат и заедно да создадеме уште една прекрасна летна вечер исполнета со детски насмевки.