Камерен оркестар на Националната опера и балет

Во рамки на фестивалот „Охридско лето 2026“, љубителите на класичната музика ќе имаат можност да уживаат во концертот на Камерниот оркестар на Националната опера и балет.

Формиран во 2010 година, Камерниот оркестар на НОБ обединува врвни музичари и солисти од составот на Националната опера и балет, создавајќи препознатлив звук и квалитетни изведби на дела од класичниот репертоар.

На концертот, под диригентската палка на маестра Бисера Чадловска, публиката ќе има можност да проследи внимателно избрана музичка програма во уникатниот амбиент на црквата „Св. Софија“ – една од највпечатливите фестивалски сцени на Охридско лето.

Настанот претставува уште една можност за средба со врвната уметност и за доживување на класичната музика во неповторливата атмосфера на Охрид.

📍 Локација: Црква „Св. Софија“, Охрид

📅 Датум: 23 јули 2026

⏰ Почеток: 21:00 часот

Фотографијата е превземена од официјалната веб страна на Охридско лето.